ƏDLİYYƏ AKADEMİYASINDA MƏHKƏMƏ-HÜQUQ SİSTEMİNDƏKİ İSLAHATLARLA BAĞLI MÜZAKİRƏLƏR APARILIB

 

2019-07-26

İyulun 26-da Azərbaycan Respublikası Ədliyyə Nazirliyinin Ədliyyə Akademiyası elm müəssisələrinin nümayəndələri ilə Prezident İlham Əliyevin “Məhkəmə-hüquq sistemində islahatların dərinləşdirilməsi haqqında” Fərmanından irəli gələn məsələlərlə bağlı ictimai müzakirə təşkil edib.

AZƏRTAC xəbər verir ki, Ədliyyə Akademiyasının rektor əvəzi Elçin Xələfov bildirib ki, Fərmanla bağlı ictimai müzakirələrə həsr olunmuş tədbirlər paytaxt Bakı ilə yanaşı, ölkənin müxtəlif regionlarında keçirilib. O qeyd edib ki, Prezident İlham Əliyevin rəhbərliyi ilə ədalət mühakiməsinin səmərəliliyinin artırılması, məhkəmələrə müraciət imkanlarının və əlçatanlığın genişləndirilməsi məqsədilə mühüm qərarlar qəbul olunur, ardıcıl tədbirlər görülür. Prezident tərəfindən imzalanmış müvafiq Fərman ölkə əhalisinin sosial rifahının yaxşılaşdırılması və məhkəmə-hüquq orqanlarının şəffaflaşdırılması ilə bağlıdır. Dövlət başçısı tərəfindən aparılan iqtisadi və hüquqi islahatlar ölkəmizin inkişafına xidmət edir. 2019-cu il 3 aprel tarixli Fərman dövlətimizin başçısının məhkəmə hakimiyyətinə verdiyi müstəsna əhəmiyyətin növbəti təzahürü olmaqla, həyata keçirilən məhkəmə-hüquq islahatlarının mühüm tərkib hissəsidir.

 

 

Xəbərlər

ƏDLİYYƏ AKADEMİYASININ NÜMAYƏNDƏSİ BERLİNDƏ “YAXŞI İDARƏETMƏYƏ DAİR PROQRAM”DA İŞTİRAK EDİB

2019-05-14

Bu günlərdə Federativ Respublikasının Berlin şəhərində yerləşən Karl Fridrix Gördeler Kollecində “Yaxşı idarəetməyə dair proqram” təşkil olunub.

Türkiyə, Rusiya, Moldova, Gürcüstan, Ermənistan, Ukrayna və Belarusun aidiyyəti dövlət və qeyri-dövlət sektoru təmsilçilərinin qatıldığı tədbirdə Azərbaycan Prezident Administrasiyasının Dövlət qulluğu və kadr məsələləri şöbəsinin, Vətəndaşlara Xidmət və Sosial İnnovasiyalar üzrə Dövlət Agentliyinin və Ədliyyə Nazirliyi Ədliyyə Akademiyasının nümayəndələri iştirak ediblər.

Sözügedən proqramın əsas məqsədi yaxşı idarəetmə naminə gənc liderlərə dəstək olmaqla onlara ictimai faydalı və innovativ layihələrin həyata keçirilməsində birbaşa yardım etmək və təcrübəli layihə menecerlərinin himayəsi altında fərdi yaxşı idarəetmə layihəsinin həyata keçirilməsinə dəstəkdir. 

Gördeler Kolleci istənilən təşkilat əməkdaşlarına beynəlxalq səviyyədə ixtisasartırma keçməsinə və şəbəkələşməyə daxil olmasına imkan verir.
İki hissədən ibarət olan tədbirdə Gördeler kollecinin direktoru, Mərkəzi-Şərqi Avropa və Berlin Valiliyi Altındakı Beynəlxalq Təşkilatın, Bolqarıstanın "Sərhədsiz təhsil" birliyinin, “Sərhədyanı ölkələri ilə əməkdaşlıq və Avropa işləri üzrə Büro”sunun nümayəndələri, Gördeler Kollecinin proqram üzrə koordinatoru və digər ekspertlər çıxış ediblər. 

Konfransda təmsil olunan ölkələrdə vətəndaşların siyasi aktiv və passivliyinin səbəbləri müzakirə olunub, mövzu ilə bağlı təqdimatlar hazırlanıb. Tədbirin ikinci günü yaxşı idarəetməyə dair hazırlanmış layihələrin iştirakçılar tərəfindən təqdim edilməsi ilə davam etdirilib.

Ədliyyə Akademiyanın nümayəndəsi Gülnaz Qurbanova layihə çərçivəsində "Dövlət strukturunda kadr sisteminin yaxşılaşdırılması və işçilərin motivasiyasının gücləndirilməsi" mövzusunda təqdimatla çıxış edib.