.jpg)
.JPG)
Xəbərlər
BİRLƏŞMİŞ MİLLƏTLƏR TƏŞKİLATININ QAÇQINLAR ÜZRƏ ALİ KOMİSSARLIĞININ TƏŞKİLATÇILIĞI İLƏ TƏLİM KEÇİRİLİB |
| 2016-12-09 |
Dekabrın 8-9-da Birləşmiş Millətlər Təşkilatının Qaçqınlar üzrə Ali Komissarlığının təşkilatçılığı ilə "Hyatt Regency" mehmanxanasında "Sığınacaq axtaranların himayəsi" mövzusunda təlim keçirilib.
Təlimdə birinci instansiya məhkəmələrinin və Bakı Apellyasiya Məhkəməsinin 16 hakimi və Ədliyyə Akademiyasının 8 əməkdaşı iştirak edib.
ƏDLİYYƏ AKADEMİYASI VƏ BEYNƏLXALQ QIZIL XAÇ KOMİTƏSİNİN BİRGƏ TƏŞKİLATÇILIĞI İLƏ HAKİMLƏR ÜÇÜN İXTİSASARTIRMA KURSU KEÇİRİLMİŞDİR |
| 2016-11-24 |
Ədliyyə Akademiyası və Beynəlxalq Qızıl Xaç Komitəsinin birgə təşkilatçılığı ilə noyabrın 24-də Akademiyada keçirilmiş növbəti ixtisasartırma kursu "Beynəlxalq humanitar hüququn pozuntularının təqibi və beynəlxalq cinayət hüququ çərçivəsində təqibin aparılmasının praktiki aspektləri" mövzusuna həsr olunub.
17 hakimin iştirak etdiyi kursda hüquq məsələləri üzrə regional məsləhətçi, BQXK-nın Rusiya Federasiyası, Moldova və Belarus dövlətlərindəki nümayəndəliyinin təmsilçisi Anastasiya Kuşleyko, Yuqoslaviya və Ruanda üzrə Beynəlxalq Tribunalların Apellyasiya Palatasının keçmiş hakimi Bəxtiyar Tuzmuxamedov, Azərbaycan Respublikası Ali Məhkəməsinin hakimi Vəfaddin İbayev və Bakı Dövlət Universitetinin müəllimi Rahim Məmmədovun mühazirələri dinlənilib.
AZƏRBAYCAN NÜMAYƏNDƏ HEYƏTİ MOSKVA ŞƏHƏRİNDƏ BEYNƏLXALQ KONFRANSDA İŞTİRAK EDİB |
| 2016-11-12 |
Cari il noyabrın 10-12-də Rusiya Federasiyası Ali Məhkəməsinin və Rusiya Dövlət Ədalət Mühakiməsi Universitetinin təşkilatçılığı ilə Moskva şəhərində bu ölkənin Cinayət-Prosessual Məcəlləsinin 15 illiyinə həsr olunmuş "XXI əsrdə cinayət prosesi hüququnun inkişaf strategiyası" mövzusunda V Beynəlxalq Elmi Praktiki konfrans keçirilib.
Rusiya Ali Məhkəməsinin dəvətinə əsasən tədbirdə ədliyyə nazirinin müavini, hüquq elmləri doktoru Azər Cəfərov iştirak edib.
HAKİMLƏR ÜÇÜN TƏLİM KEÇİRİLİB |
| 2016-11-04 |
Noyabrın 2-4-də "Hyatt Regency" mehmanxanasında AŞ/Aİ Şərq Tərəfdaşlığı Proqram Əməkdaşlığı Çərçivəsində "Azərbaycanda məhkəmələrin səmərəliliyinin artırılmasına, hakimlərin təliminin təkmilləşdirilməsinə və məhkəmələrdə özünüidarəetməyə dəstək" layihəsi üzrə "İdarəçilik və təşkilati inkişafa dair" mövzusunda təlim keçirilib.
Tədbirdə Ali, Bakı Apellyasiya və Yasamal rayon məhkəmələrinin hakimləri, Məhkəmə-Hüquq Şurasının, Ədliyyə Nazirliyinin, o cümlədən Ədliyyə Akademiyasının, Baş Prokurorluğun Tədris Mərkəzinin, ASAN Xidmətin, Vəkillər Kollegiyasının əməkdaşları iştirak ediblər.
AVROPA ŞURASI VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ HAKİMLƏR ÜÇÜN TƏLİM KEÇİRİLMİŞDİR |
| 2016-10-28 |
Ədliyyə Akademiyası Avropa Şurasının 2014-2016-cı illər Azərbaycan üçün Fəaliyyət Planının bir hissəsi olan “Avropa İnsan Hüquqları Konvensiyası və Avropa İnsan Hüquqları Məhkəməsinin presedent hüququnun tətbiqi” adlı layihənin icrası ilə əlaqədar bir sıra təlimlər təşkil edir. Layihə çərçivəsində növbəti təlim cari ilin 27-28 oktyabr tarixlərində Avropa Şurası və Ədliyyə Akademiyasının birgə təşkilatçılığı ilə “Park İnn” mehmanxanasında hakimlər üçün “Avropa İnsan Hüquqları Konvensiyasının 8-ci maddəsi (şəxsi həyata və ailə həyatına hörmət hüququ) və 9-cu maddəsi (fikir, vicdan və din azadlığı)” mövzusunda keçirilmişdir.
Təlimdə I instansiya məhkəmələrinin hakimləri olmaqla, 22 hakim iştirak etmişdir.