ƏDLİYYƏ AKADEMİYASINDA MƏHKƏMƏ-HÜQUQ SİSTEMİNDƏKİ İSLAHATLARLA BAĞLI MÜZAKİRƏLƏR APARILIB

 

2019-07-26

İyulun 26-da Azərbaycan Respublikası Ədliyyə Nazirliyinin Ədliyyə Akademiyası elm müəssisələrinin nümayəndələri ilə Prezident İlham Əliyevin “Məhkəmə-hüquq sistemində islahatların dərinləşdirilməsi haqqında” Fərmanından irəli gələn məsələlərlə bağlı ictimai müzakirə təşkil edib.

AZƏRTAC xəbər verir ki, Ədliyyə Akademiyasının rektor əvəzi Elçin Xələfov bildirib ki, Fərmanla bağlı ictimai müzakirələrə həsr olunmuş tədbirlər paytaxt Bakı ilə yanaşı, ölkənin müxtəlif regionlarında keçirilib. O qeyd edib ki, Prezident İlham Əliyevin rəhbərliyi ilə ədalət mühakiməsinin səmərəliliyinin artırılması, məhkəmələrə müraciət imkanlarının və əlçatanlığın genişləndirilməsi məqsədilə mühüm qərarlar qəbul olunur, ardıcıl tədbirlər görülür. Prezident tərəfindən imzalanmış müvafiq Fərman ölkə əhalisinin sosial rifahının yaxşılaşdırılması və məhkəmə-hüquq orqanlarının şəffaflaşdırılması ilə bağlıdır. Dövlət başçısı tərəfindən aparılan iqtisadi və hüquqi islahatlar ölkəmizin inkişafına xidmət edir. 2019-cu il 3 aprel tarixli Fərman dövlətimizin başçısının məhkəmə hakimiyyətinə verdiyi müstəsna əhəmiyyətin növbəti təzahürü olmaqla, həyata keçirilən məhkəmə-hüquq islahatlarının mühüm tərkib hissəsidir.

 

 

Xəbərlər

ƏDLİYYƏ AKADEMİYASI BEYNƏLXALQ MALİYYƏ KORPORASİYASI İLƏ BİRGƏ HAKİMLƏR ÜÇÜN TƏLİM KEÇİRİB

2019-05-17

Ölkəmizdə sahibkarlığın inkişafı, əlverişli biznes mühitinin yaradılması çərçivəsində orta və kiçik sahibkarların maliyyə çıxışının asanlaşdırılması, daşınar və daşınmaz əmlakın gəlir gətirməsi və girov kimi istifadə edilməsi imkanlarının təhlili, bankların gəlir gətirmə prosesində iştirak edən daşınar əmlaka girov kimi etibarın yüksəldilməsi istiqamətində konkret tədbirlər görülür, qanunvericilik təkmilləşdirilir. Bu məqsədilə "Daşınar əmlakın yüklülüyü haqqında" 02.05.2017-ci il tarixli Qanun qəbul edilib, 2018-ci ilin mart ayından daşınar əmlakın yüklülüyü haqqında dövlət reyestri fəaliyyətə başlayıb.

 

BEYNƏLXALQ MİQRASİYA TƏŞKİLATI AZƏRBAYCAN NÜMAYƏNDƏ HEYƏTİ ÜÇÜN LİTVAYA TANIŞLIQ SƏFƏRİ TƏŞKİL EDİB

2019-05-16

Beynəlxalq Miqrasiya Təşkilatının (BMqT) Azərbaycandakı nümayəndəliyinin və BMqT-nin regional ofisinin dəstəyi ilə Azərbaycanın 11 nəfərlik nümayəndə heyətinin Litva Respublikasına dördgünlük tanışlıq səfəri təşkil edilib.

Mayın 13-16-da reallaşdırılmış səfər Avropa İttifaqı və BMqT-nin İnkişaf Fondu tərəfindən birgə maliyyələşdirilən “Azərbaycanda insan alverinə qarşı mübarizə üzrə milli potensialın gücləndirilməsi” layihəsi çərçivəsində həyata keçirilib.

Səfərin əsas məqsədi Ədliyyə Akademiyasının, Daxili İşlər Nazirliyinin İnsan Alverinə qarşı Mübarizə Baş İdarəsinin təmsilçiləri, həmçinin apellyasiya və rayon məhkəmələrinin hakimləri, Baş Prokurorluğun və Vəkillər Kollegiyasının əməkdaşlarından ibarət nümayəndə heyətini insan alverinə qarşı mübarizədə hüquqi qərarların verilməsi, insan alveri qurbanlarının müdafiəsi sahəsində beynəlxalq və Avropa standartlarının tətbiqi, qanunvericiliyin təhlili və Litvada insan alveri ilə bağlı cinayətlərin təqibi halları ilə, insan alveri sahəsində prosedur və qaydalarla tanış etməkdir. 

 

ƏDLİYYƏ AKADEMİYASININ NÜMAYƏNDƏSİ BERLİNDƏ “YAXŞI İDARƏETMƏYƏ DAİR PROQRAM”DA İŞTİRAK EDİB

2019-05-14

 Bu günlərdə Federativ Respublikasının Berlin şəhərində yerləşən Karl Fridrix Gördeler Kollecində “Yaxşı idarəetməyə dair proqram” təşkil olunub.

Türkiyə, Rusiya, Moldova, Gürcüstan, Ermənistan, Ukrayna və Belarusun aidiyyəti dövlət və qeyri-dövlət sektoru təmsilçilərinin qatıldığı tədbirdə Azərbaycan Prezident Administrasiyasının Dövlət qulluğu və kadr məsələləri şöbəsinin, Vətəndaşlara Xidmət və Sosial İnnovasiyalar üzrə Dövlət Agentliyinin və Ədliyyə Nazirliyi Ədliyyə Akademiyasının nümayəndələri iştirak ediblər.

 

ƏDLİYYƏ AKADEMİYASININ ƏMƏKDAŞLARI AŞ-NIN 70 İLLİYİ İLƏ BAĞLI AÇIQ GÜNDƏ İŞTİRAK EDİBLƏR

2019-05-05

Mayın 5-də Avropa Şurasının (AŞ) 70 illiyi münasibətilə təşkilatın Bakı Ofisində Açıq Gün keçirilib. Ədliyyə Akademiyasının 5 nəfər əməkdaşı və Akademiyada Penitensiar xidmətin orta rəis heyətinə qulluğa qəbul edilən namizədlər üçün keçirilən icbari təlimin 5 nəfər nümayəndəsi həmin tədbirdə iştirak ediblər.

Tədbirdə ilk olaraq Təşkilatın Bakı Ofisinin rəhbəri səfir Zoltan Hernyes Avropa Şurasının 70 illiyi haqda danışıb, daha sonra çirkli pulların yuyulması və ədliyyə sahəsində islahatlarla bağlı həyata keçirilən layihələr barədə layihə rəhbərləri iştirakçılara məlumat veriblər. Həmçinin Təşkilat tezliklə gender bərabərliyi və media azadlığı mövzularında layihəyə başlayacaqlarını bildiriblər.

 

BEYNƏLXALQ QIZIL XAÇ KOMİTƏSİ VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ HAKİMLƏR VƏ PROKURORLAR ÜÇÜN TƏLİM KEÇİRİLİBD

2019-05-03

2-3 may tarixlərində Beynəlxalq Qızıl Xaç Komitəsi və Ədliyyə Akademiyasının birgə təşkilatçılığı ilə “Ayrı-ayrı kateqoriyalara aid cinayətlərə baxılmasının xüsusiyyətləri: Terrorizm cinayətləri beynəlxalq hüquq müstəvisində” mövzusunda hakimlər və prokurorlar üçün təlim keçirilib.

Təlimdə Beynəlxalq Qızıl Xaç Komitəsinin Azərbaycandakı Nümayəndəliyinin başçısı Elena A. Sessera açılış nitqi ilə çıxış edib.