Xəbərlər
BİRİNCİ İNSTANSİYA MƏHKƏMƏLƏRİNİN HAKİMLƏRİ ÜÇÜN İXTİSASARTIRMA KURSU KEÇİRİLMİŞDİR
2016-06-03
İyunun 3-də Ədliyyə Akademiyasında birinci instansiya məhkəmələrinin hakimləri üçün "Ayrı-ayrı kateqoriyalara aid cinayətlərin xüsusiyyətləri" mövzusunda ixtisasartırma kursu keçirilib. Tədbirdə 20 hakim iştirak edib.
Kursda Ali Məhkəmənin Cinayət kollegiyasının sədri, Məhkəmə-Hüquq Şurasının üzvü Şahin Yusifovun, Baş prokuror yanında Korrupsiyaya qarşı mübarizə Baş idarəsində idarə rəisi Vüqar Quliyevin, Bakı Apellyasiya Məhkəməsinin Cinayət kollegiyasının sədri vəzifəsini icra edən, Məhkəmə-Hüquq Şurasının üzvü Rizvan Səfərovun mühazirələri dinlənilib.
Tədbirdə həmçinin "Ayrı-ayrı cinayət işləri üzrə məhkəmə təcrübəsindən irəli gələn problemlər", "Korrupsiyaya qarşı mübarizədə hüquq mühafizə orqanlarının qarşılıqlı əlaqəsi", "Korrupsiya cinayətlərinin tövsifi məsələləri" adlı mövzular tədris olunub.