ƏDLİYYƏ AKADEMİYASINDA MƏHKƏMƏ-HÜQUQ SİSTEMİNDƏKİ İSLAHATLARLA BAĞLI MÜZAKİRƏLƏR APARILIB

 

2019-07-26

İyulun 26-da Azərbaycan Respublikası Ədliyyə Nazirliyinin Ədliyyə Akademiyası elm müəssisələrinin nümayəndələri ilə Prezident İlham Əliyevin “Məhkəmə-hüquq sistemində islahatların dərinləşdirilməsi haqqında” Fərmanından irəli gələn məsələlərlə bağlı ictimai müzakirə təşkil edib.

AZƏRTAC xəbər verir ki, Ədliyyə Akademiyasının rektor əvəzi Elçin Xələfov bildirib ki, Fərmanla bağlı ictimai müzakirələrə həsr olunmuş tədbirlər paytaxt Bakı ilə yanaşı, ölkənin müxtəlif regionlarında keçirilib. O qeyd edib ki, Prezident İlham Əliyevin rəhbərliyi ilə ədalət mühakiməsinin səmərəliliyinin artırılması, məhkəmələrə müraciət imkanlarının və əlçatanlığın genişləndirilməsi məqsədilə mühüm qərarlar qəbul olunur, ardıcıl tədbirlər görülür. Prezident tərəfindən imzalanmış müvafiq Fərman ölkə əhalisinin sosial rifahının yaxşılaşdırılması və məhkəmə-hüquq orqanlarının şəffaflaşdırılması ilə bağlıdır. Dövlət başçısı tərəfindən aparılan iqtisadi və hüquqi islahatlar ölkəmizin inkişafına xidmət edir. 2019-cu il 3 aprel tarixli Fərman dövlətimizin başçısının məhkəmə hakimiyyətinə verdiyi müstəsna əhəmiyyətin növbəti təzahürü olmaqla, həyata keçirilən məhkəmə-hüquq islahatlarının mühüm tərkib hissəsidir.

 

 

Xəbərlər

ƏDLİYYƏ AKADEMİYASI İLƏ UKRAYNA HAKİMLƏRİNİN MİLLİ MƏKTƏBİ ARASINDA ƏMƏKDAŞLIQ HAQQINDA MEMORANDUM İMZALANIB

2018-12-13

2018-ci ilin 10-13 dekabr tarixlərində Ukrayna Hakimlərinin Milli Məktəbinin prorektoru Nataliya Şuklina, Ukrayna Hakimlərinin Milli Məktəbinin Sınaq Mərkəzinin direktoru, Ukrayna Ali İnzibati Məhkəməsinin sabiq hakimi Valentina Emelyanova, Ukrayna Hakimlər Milli Məktəbinin Psixoloji hazırlıq  elmi-metodoloji yardım Departamentinin aparıcı elmi işçisi Andrey Maslyuk və ATƏT-in Ukraynadakı layihə koordinatorunun nümayəndəsi Nina Reşetardan ibarət nümayəndə heyətinin Azərbaycan Respublikası Ədliyyə Nazirliyi Ədliyyə Akademiyasının fəaliyyəti ilə tanışlıq, “Ədliyyə Akademiyası ilə Ukrayna Hakimlərinin Milli Məktəbi arasında əməkdaşlıq” haqqında Memorandumun imzalanması və Azərbaycan Respublikasının məhkəmə-hüquq fəaliyyəti ilə tanışlıq üçün Bakı şəhərinə səfəri olub

 

ƏDLİYYƏ AKADEMİYASI BEYNƏLXALQ MİQRASİYA TƏŞKİLATI İLƏ BİRGƏ İXTİSASARTIRMA KURSU KEÇİRİB

2018-12-10

10-12 dekabr  tarixlərində Azərbaycan Respublikasının Ədliyyə Nazirliyinin Ədliyyə Akademiyası və  Beynəlxalq Miqrasiya Təşkilatının birgə təşkilatçılığı ilə “Cinayət təqibini həyata keçirən orqanlar üçün insan alverinə qarşı mübarizə” mövzusunda  üç günlük kaskad təlim təşkil olunub.

 

Hakimlər, vəkillər, prokurorlar və Daxili İşlər Nazirliyinin əməkdaşlarının iştirak etdiyi təlimdə Sumqayıt Apellyasiya Məhkəməsinin və Gəncə Apellyasiya Məhkəməsinin hakimlərinin və Azərbaycan Respublikasının  Vəkillər Kollegiyasının üzvünün mühazirələri dinlənilib.

 

 

ƏDLİYYƏ AKADEMİYASINDA PROBASİYA İCRA MƏMURLARI ÜÇÜN EKSPERT GÖRÜŞÜ KEÇİRİLİB

2018-12-07

Avropa İttifaqı və Ədliyyə Akademiyasının birgə təşkilatçılığı ilə TAİEX proqramı çərçivəsində probasiya sahəsində təlimlərin təşkil edilməsi üçün Avropanın qabaqcıl təcrübəsinin öyrənilməsi məqsədilə 2018-ci ilin 5-7 dekabr tarixində Ədliyyə Akademiyasında Azərbaycan Respublikasının Ədliyyə Nazirliyinin Probasiya Xidmətinin icra məmurları ilə ekspert görüşü keçirilib.

 

BEYNƏLXALQ MİQRASİYA TƏŞKİLATI VƏ ƏDLİYYƏ AKADEMİYASININ BİRGƏ TƏŞKİLATÇILIĞI İLƏ HAKİMLƏR ÜÇÜN İXTİSASARTIRMA KURSU KEÇİRİLİB

2018-12-04

4-6 dekabr tarixlərində Azərbaycan Respublikasının Ədliyyə Nazirliyinin Ədliyyə Akademiyası və  Beynəlxalq Miqrasiya Təşkilatının birgə təşkilatçılığı ilə Şəki şəhərində “Beynəlxalq miqrasiya hüququ” mövzusunda  təlim təşkil olunub.

 

Hakim və vəkillərin iştirak etdikləri təlimdə Beynəlxalq Miqrasiya Təşkilatının nümayəndəsi Humay Eminli açılış nitqi ilə çıxış edib.

 

 

AZƏRBAYCAN NÜMAYƏNDƏ HEYƏTİ RUSİYANIN CƏZALARIN İCRASI FEDERAL XİDMƏTİNİN AKADEMİYASINDA KEÇİRİLƏN BEYNƏLXALQ KONFRANSDA İŞTİRAK EDİB

2018-11-29

28-29 noyabr 2018-ci ildə Ryazan şəhərində Rusiya Federasiyası Cəzaların İcrası Federal Xidmətinin Akademiyası tərəfindən “Rusiya Federasiyasında və xaricdə cəzaların icrası sisteminin nəzəri və praktiki problemləri” mövzusunda keçirilmiş Beynəlxalq Elmi-Praktiki Konfransda Ədliyyə Akademiyasının rektoru vəzifəsini icra edən Elçin Xələfov və Probasiya Xidmətinin rəis müavini Musa Hümbətov iştirak etmişlər.